सुक्या बांगड्याची / जोवल्याची चटणी (Malvani Recipes)

मोठ्या पावसात बरेचदा मासे मिळणं दुरापास्त होतं अशावेळी समुद्राच्या माशांची चटक असलेल्या बहुसंख्य मालवणी लोकांना दुधाची तहान ताकावर भागवावी लागते. मे महिन्याच्या बाजारातून आणलेले सुके बांगडे किवा जोवला (गोलीम - बारीक सुकी सुंगटे) यांची मग आठवण येते. डाळ-भात आणि चुलीतल्या निखाऱ्यावर भाजलेला सुका बांगडा अशी दुपारच्या जेवणाची तयारी होते किंवा अगदी पाचच मिनिटात कांदा खोबरं आणि सुका जोवला तव्यावर परतून लाळ टपकवणारी कोशिंबीर केली जाते. या ठिकाणी दिलेली कृती चटणीची आहे त्यात सुक्या बांगड्या ऐवजी सुका जोवलाही वापरता येतो  आणि वेगळ्या चवीची चटणी तयार होते.

तवा फ्रायड कोळंबी (Malvani Recipes)

कोळंबी (सुंगटे) साफ करायला जरा वेळ जास्त लागतो पण शिजायला किंवा तव्यावर भाजून काढायला अगदी थोडा वेळ लागतो. समुद्रापेक्षा खाडीतील काळसर रंगाची कोळंबी जास्त चवदार असते. मालवण पट्टयात कोळंबी तेलात तळून काढण्या पेक्षा तव्यावर थोड्याशा तेलात परतून काढणेच अधिक पसंत केले जाते. या प्रकारे भाजलेली  सुंगटे तव्यावर पडताच भूकेला निमंत्रण मिळते.

वाफवलेले मालवणी बांगडे (Malvani Recipes)          

फक्त वाफेवर शिजवलेल्या मालवणी बांगड्यांच्या या प्रकारात तेलाचा वापर मुळीच केला जात नाही तसेच या प्रकारे शिजवलेले मासे फ्रीज मध्ये न ठेवताही २-३ दिवस चांगले राहतात. समुद्र किनाऱ्यापासून खूपच दूर असलेल्या कोकणातील खेडेगावांमध्ये पूर्वी खूपच लोकप्रिय होती. समुद्रातील किंवा नदीतील मासेही चालतील पण यातील मुख्य घटक आहे हळदीची पाने!!! ती नसल्यास केळीची पानेही चालतील.

बांगड्याचे तिकले (Malvani Recipes)

माशाच्या कढी प्रमाणे जास्त पाणी न ठेवता ताज्या नारळाच्या जाडसर चटणीत शिजवलेले बांगड्याचे टिकले/तिकले आणि गरमागरम भाकरी वा चपाती ही आणखीन एक तोंडात पाणी आणणारी मालवणी पाककृती आहे. कोकण पट्टयात निव्वळ बांगड्याच्याच १५-२० पाककृती आढळतील.

मालवणी मच्छी कढी: (Malvani Recipes) 

मालवणी मच्छी कढीसाठी विशेष करून समुद्रातील कर्ली, बांगडा, सौंदाळे, पेडवे, पापलेट हे मासे लोकप्रिय आहेत. दुपारच्या जेवणासाठी कोकणातील घराघरात माश्याच्या काढीची ९०% तयारी अगोदरच झालेली असते. बायका बाजारातून येणाऱ्या माशांची वाट पाहत असतात. मासे आले की जेवण तयार, मासे अगदीच मिळाले नाहीत तीच काढी माशाशिवाय शिजउन जेवायचीही तयारी असते. अशा काढीला फुटी काढी किंवा गोव्याच्या भाषेत सवराक म्हणतात.

सोलकडी Malvani Solkadhi (Malvani Recipes)

कोकम (आमसूल/सोला) व नारळाचा रस यापासून बनवलेली चवदार, ताजतवानं करणारी पाचक कडी. कोकणात बहुतांशी सर्व घरात आणि कोकणी/मालवणी हॉटेलात सुद्धा दुपारच्या जेवणात  सोलकडी हमखास मिळते. जेवणात शेवटचा भात सोलकडी ने जेवण्याची पद्धत आहे.

मालवणी गरम मसाला Malvani Garam Masala (Malvani Recipes)

पुढे सर्वसाधारण मालवणी मसाल्याची २ किलोची कृती देत आहे. हा मसाला शाकाहारी/मांसाहारी जेवणासाठी चालतो. मासला वापरायला सुरुवात केल्यावर तुम्हाला वर्षभरासाठी किती लागेल याची कल्पना येईल. काही गृहिणींच्या साहित्यात व कृतीत फरक असू शकतो.

वडे Malvani Vade (Malvani Recipes)

मालवणी कोंबडी वडे/सागुती वडे (Malvani Chichen/Kombadi Vade/Saguti Vade) आता तर इंटरनेट मुळे जगप्रसिध्द झालेले आहेत आणि कृतीत थोडाफार फरक राहिला तरीही खवय्यांना नेहमीच खुणावत राहील. कोंबडी वडे यातील वडे हा प्रकार पूर्ण शाकाहारी आहे, अगदी नुसत्या चहा बरोबर सुद्धा फिट्ट बसतो पण कोंबडी बरोबर जोडी जमली की चवीचा आनंद शतगुणित होतो.